E komunikashon aki ta diferente na e diferente otro komunikashonnan di e Blog aki, pero semper e tin di haber ku sinseridat pa ku otro-identifikashon khorizontal- i pa e Ser Supremo-identifikashon vertikal.

Pakiko Gobiernu i sierto partido politiko a traha un Konstitushon sin hasi esfuerzo di involunkrá partispashon di tur gremio di nos komunidat dor di forma un Asamblea pa traha riba Konstitushon?????

Un Asamblea pa traha riba Konstitushon ta un reunión nashonal –den e kaso aki pa ku territorio di Kòrsou- forma dor di delegashonnan di diferente gremio di pueblo –pues no un Asamblea representativo, pero un partisipativo- elegí of nombra denter di kada gremio ku e ophetivo espesifiko di forma reglanan di funshonamento i distribushon di Poder komo fundeshi di su sistema polítiko i soshal i di konkretisá e reglanan a través di un pakto polítiko den un Konstitushon ku lo fiha i dikta reglanan pa konstrukshon di un Estado nobo i di konbibensia entre e Poder publiko i sosiedat, ku e obligashon di sigui Principio di Trias Politika i rèspèt pa e Derechinan Fundamental di Hende.·

*Esei ta un sistema di establesé un demokrasía partisipativo i kibra e sistema di regentenan iluminá ku tin e lema di tur kos pa e pueblo, nada dor di pueblo. ·

*A base di artikulo 8 di Deklarashon Universal di Derechinan Humano lo mester tin un lei a base di kua siudadanonan lo por manifestá nan derechinan fundamental.

*Siudanonan di kada bario òf grupo di bario ta haña partisipashon konkreto pa ku nan bario.