Demokrasia partisipativo

Pakiko Gobiernu i sierto partido polítiko a traha un Konstitushon sin hasi esfuerzo di involunkrá partispashon di tur gremio di nos komunidat dor di forma un Asamblea pa traha riba Konstitushon?

Un Asamblea pa traha riba Konstitushon ta un reunión nashonal –den e kaso aki pa ku territorio di Kòrsou- forma dor di delegashonnan di diferente gremio di pueblo –pues no un Asamblea representativo, pero un partisipativo- elegí of nombrá denter di e gremio ku e ophetivo espesífiko di forma reglanan di funshonamento i distribushon di Poder komo fundeshi di su sistema polítiko i soshal.

Mester keda reglanan básiko konkretisá a trabes di un pakto entre representantenan di e diferente gremionan pa medio di kua lo fiha i dikta reglanan mas espesifiká pa konstrukshon di un Estado nobo ku ta garantisá konbibensia entre e Poder publiko i sosiedat, ku ta kontené e obligashon di sigui na un manera rigido e Principio di Trias Politika i rèspèt pa e Derechinan Fundamental di Hende.

NOTA 1:
· Esaki ta un sistema di establesé un demokrasia partisipativo i kibra e sistema
di regentenan iluminá ku tin e lema di tur kos pa e pueblo, nada dor di pueblo.
· A base di artikulo 8 di Deklarashon Universal di Derechinan Humano lo
mester tin un lei a base di kua siudadanonan lo por manifestá nan derechinan
fundamental.
· Siudanonan di kada bario òf grupo di bario ta haña partisipashon konkreto pa
ku nan bario.

NOTA 2 : Lesa den nos kaso "Konstitushon" komo “Regla di Estado”.